മലപ്പുറം: സംസ്ഥാന സ്കൂള് കലോത്സവത്തിന്െറ രണ്ടാംവേദിയായി മലപ്പുറം കോട്ടപ്പടി മൈതാനത്തെ പ്രോഗ്രാം കമ്മിറ്റി തീരുമാനിച്ചു. നേരത്തെ രണ്ടാം വേദിയായി നിശ്ചയിച്ച കോട്ടക്കുന്ന് അരങ്ങ് ഓപണ് എയര് ഓഡിറ്റോറിയം സാംസ്കാരിക പരിപാടികള്ക്ക് മാറ്റിവെച്ചു. പകരം നൂറാടി പാലത്തിന് സമീപത്തെ റോസ് ലോഞ്ച് ഓഡിറ്റോറിയം മൂന്നാമത്തെ വേദിയാക്കി. നേരത്തെ കോട്ടക്കുന്നിന് മുകളിലെ ഗ്രൗണ്ടില് സാംസ്കാരിക പരിപാടികള് നടത്താനും സമീപത്തെ അരങ്ങ് ഓപണ് എയര് ഓഡിറ്റോറിയം രണ്ടാം വേദിയാക്കാനുമായിരുന്നു തീരുമാനം. കോട്ടക്കുന്നിന് മുകളില് വേദികെട്ടി പരിപാടികളൊന്നും നടത്തേണ്ടതില്ലെന്ന് തീരുമാനിക്കുകയായിരുന്നു. ഇവിടുത്തെ ശക്തമായ കാറ്റ് വേദിക്ക് തടസ്സമായി. കോട്ടക്കുന്നിലെ വേദി ഒഴിവാക്കി പരിപാടികള് ‘അരങ്ങി’ലേക്ക് മാറ്റി. ‘അരങ്ങി’നെ മത്സരവേദികളില്നിന്ന് ഒഴിവാക്കി അവിടെത്തെ പരിപാടികള് നൂറാടി റോസ് ലോഞ്ചിലേക്ക് മാറ്റാനുമാണ് തീരുമാനം. നേരത്തെ മൂന്നാമത്തെ വേദിയായിരുന്ന കോട്ടപ്പടി സ്റ്റേഡിയം രണ്ടാം വേദിയും റോസ് ലോഞ്ച് മൂന്നാംവേദിയും മലപ്പുറം ടൗണ്ഹാള് നാലാംവേദിയുമായിരിക്കും. എം.എസ്.പി പരേഡ് ഗ്രൗണ്ടാണ് ഒന്നാം വേദി. വേദികളുടെ എണ്ണം നേരത്തെ നിശ്ചയിച്ച 18ല് തന്നെ നിജപ്പെടുത്തി.
No comments:
Post a Comment